Qayığın batması nəticəsində 19 nəfər ölüb

Qanq çayının Hindistanın Bihar ştatı ərazisindən keçən hissəsində qayığın batması nəticəsində 19 nəfər ölüb. Bu barədə yerli hakimiyyət nümayəndəsinə istinadən “Reuters” məlumat yayıb. İnsident şənbə günü axşam Patna şəhəri yaxınlığında baş verib. Nəşrin məlumatına görə, qayığın tutumu 30 nəfər olsa da, ona 50 sərnişin minib. Hazırda 19 nəfərin meyiti tapılıb, 10-12 nəfərin üzərək sahilə çıxdığı ehtimal edilir. 8 nəfər xilas edilib. Axtarış-xilasetmə işləri davam etdirilir.

“Report”