Qayıq batdı - 10 ölü

İndoneziyanın şərqində qayığın qəzaya uğraması nəticəsində 10 nəfər həlak olub. Avtosfer.az salamnews-a istinadən xəbər verir ki, bu barədə təcili xidmətlərin nümayəndəsi məlumat verib. Qəza göyərtəsində 32-35 nəfərin olduğu gəmi Takalar limanından çıxaraq Pulau Tanakeke yaşayış məntəqəsinə yollanarkən baş verib. Axtarış əməliyyatı zamanı 21 nəfər xilas edilib. Donanma, axtarış-xilasetmə xidməti və Təbii fəlakətlərin aradan qaldırılması üzrə xidmət sərnişinlərin axtarışını davam etdirir.