Qaz yüklü tanker partladı - 44 yaralı

Misirin İsgəndəriyyə şəhərində qaz yüklü tankerin partlaması səbəbilə neft-kimya müəssisəsində yanğın çıxıb. Avtosfer.az publika.az-a istinadən xəbər verir ki, çıxan yanğında 44 nəfər müxtəlif dərəcəli xəsarət alıb. Misirin Səhiyyə Nazirliyinin nümayəndəsi Xalid Mücahid hadisə ilə bağlı yazılı açıqlama verib. Açıqlamada bildirilir ki, yaralılardan çoxunun bədənində 60% yanıq xəsarətləri mövcuddur. Buna görə də onların həyati təhlükəsi qalmaqdadır.