Qazaxda 2 avtomobil toqquşdu: xəsarət alanlar var - FOTO

Qazax şəhərində avtomobil qəzası baş verib. Avtosfer.az-ın "Report"a istinadən məlumatına görə, hadisə şəhərin "SU-15" deyilən ərazisində qeydə alınıb. Belə ki, "Lexus" markalı avtomobillə "VAZ -21099" markalı avtomobilin toqquşması nəticəsində sürücülər və iki sərnişin xəsarət alıb. Həkimlər onlardan birinin vəziyyətini orta-ağır, digərlərinin durumunu isə qənaətbəxş kimi qiymətləndiriblər. Hadisə nəticəsində hər iki avtomobilə ziyan dəyib. Faktla bağlı araşdırma aparılır.