Qazaxda 35 yaşlı qadını avtomobil vurub

Qazax rayon sakinin avtomobil vurub. Avtosfer.az-ın APA-ya istinadən verdiyi məlumata görə, Qazax şəhər sakini, 1982-ci il təvəllüdlü Ayna Əhmədova müxtəlif bədən xəsarətləri ilə xəstəxanaya yerləşdirilib. Ona tibbi yardım göstərilib. Vəziyyətinin orta ağır olduğu bildirilir. Məlumata görə A. Əhmədova yolu keçən zaman avtomobil onu vurub. Faktla bağlı hüquq-mühafizə orqanları tərəfindən araşdırma aparılır.