Qazaxda yol qəzası nəticəsində 4 nəfər xəsarət alıb

Qazax rayonunda avtomobillər toqquşub, xəsarət alanlar var.

Avtosfer.az-ın məlumatına görə, hadisə iki avtomobilin toqquşması nəticəsində qeydə alınıb.

Yol-nəqliyyat hadisəsi zamanı 1979-cu il təvəllüdlü Ə.Nurməmmədov, 2005-ci il təvəllüdlü İ.Poladov, 1979-cu il təvəllüdlü F.Əsgərov və 2007-ci il təvəllüdlü X.Cəfərov xəsarət alıblar.

Yaralılar xəstəxanaya çatdırılıb, vəziyyətləri kafi qiymətləndirilir.

Faktla bağlı araşdırma aparılır.

***

İyulun 14-də saat 01:30 radələrində yol-nəqliyyat hadisəsi səbəbilə xəsarət alan 4 nəfər (kişi cinsli) Qazax Rayon Mərkəzi Xəstəxanasına hospitalizasiya olunub.

Bu barədə Avtosfer.az-a TƏBİB-dən məlumat verilib.

"Müxtəlif dərəcəli bədən xəsarətləri alan şəxslərin hər birinə ilkin zəruri tibbi xidmət göstərilib. Xəsarət alanlardan 2 nəfərin vəziyyəti qənaətbəxş qiymətləndirilir. Hazırda Təcili tibbi yardım bölməsində müalicələri davam etdirilir. 2 nəfərə isə zəruri tibbi xidmət göstərildikdən sonra ambulator müalicə üçün evə buraxılıb", məlumatda deyilir.