Qəbələdə ağır qəza: 2 ölü, 8 yaralı - VİDEO

Qəbələdə iki minik avtomobilinin toqquşması nəticəsində 2 gənc ölüb. Avtosfer.az-ın məlumatına görə, hadisə ötən gecə saat 1 radələrində Oğuz-Qəbələ yolunda baş verib. İki minik avtomobilinin toqquşması nəticəsində sürücülərdən biri Qəbələnin Mixliqovaq kənd sakini, 25 yaşlı Sirus İsmayilov və sərnişini 23 yaşlı Rufan Səmədov hadisə yerində ölüb. Digər sürücü, Bakı sakini 57 yaşlı Məcid Xəlilov, sərnişinlər- 58 yaşlı İradə Xəlilova, 30 yaşlı Orxan Qasımov, 27 yaşlı Elşən Əhmədov, 40 yaşlı Tərlan Alıcanov, 36 yaşlı Rüstəm Mahmudov, 20 yaşlı Hacı Hacıyev və Rəvan Zərbəliyev müxtəlif dərəcəli bədən xəsarətləri alaraq Qəbələ rayon Mərkəzi Xəstəxanası və Qəbələ Müalicə Diaqnostika Mərkəzinə çatdırılıblar. Hazırda onların vəziyyəti ağır olaraq qalır.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.