Qəçrəşdə piyadanı maşın vurub

Gecə saatlarında Qubanın Qəçrəş kəndində piyadanın vurulması ilə nəticələnən yol-nəqliyyat hadisəsi baş verib. Kənd ərazisində yerləşən "Aynur'' kafesinin yanında Quba rayon Hacıhüseynli kənd sakini, 1987-ci il təvəllüdlü Məmmədov Ceyhun Əlibala oğlunu avtomobil vurub. Quba Mərkəzi Rayon Xəstəxanasına yerləşdirilən yaralıya qapalı kəllə-beyin travması və baş-beyin əzilməsi diaqnozu qoyulub, xəstə koma vəziyyətindədir.

Faktla bağlı Quba rayon Polis şöbəsində araşdırma aparılır.