Qəribə qəza: Zirehli daşıyıcı ilə avtomobil toqquşdu – VİDEO

Rusiyada avtomobillə zirehli daşıyıcı (ZDT) arasında baş verən qəzanın günahkarı məlum olub. Avtosfer.az-ın Oxu.az-a istinadən verdiyi məlumata görə, Kemerovoda baş verən qəzanın səbəbkarı ZDT-80-nin sürücüsüdür. Bazar ertəsi səhər saatlarında baş verən qəza zamanı “KİA” markalı avtomobilə ciddi ziyan dəyib, onun sürücüsü isə xəsarət alıb. İlkin versiyaya görə, ZDT-80-nin sürücüsü nizamlanan yolayrıcına daxil olarkən nəqliyyat hərəkətinin təhlükəsiz olub-olmamasından əmin olmayıb və nəticədə minik avtomobilinə çırpılıb. Hazırda qəzanın təfərrüatları müəyyənləşdirilir.