Qəza törədərək köşkə çırpılan “Yango” taksi bloklandı - AÇIQLAMA - VİDEO

"Yaranmış vəziyyətlə bağlı hər birinizin narahatlığını tam anlayır və paylaşırıq. Hadisə ilə bağlı sosial şəbəkələrdə yayılan məlumatlar bizi dərin şəkildə narahat edir və bu məsələyə biganə qala bilmərik. Hazırda biz bu məsələ ilə bağlı daxili araşdırma aparırıq. Məlumatda adı keçən sürücü və onun idarə etdiyi avtomobil bloklanıb və yeni sifarişləri yerinə yetirə bilməyəcək. Bu qərar, həm sərnişinlərin təhlükəsizliyini təmin etmək, həm də məsələni obyektiv şəkildə araşdırmaq məqsədi daşıyır. Eyni zamanda, qeyd etmək istəyirik ki, hüquq-mühafizə orqanlarından rəsmi sorğu daxil olduğu təqdirdə, əməkdaşlıq etməyə tam hazırıq və məsələnin qanuni şəkildə araşdırılmasına dəstək verəcəyik. Hörmətlə, Yango".

***

Bakının Səbail rayonunda minik avtomobilinin iştirakı ilə yol qəzası olub. Avtosfer.az xəbər verir ki, rayonun Bayıl qəsəbəsində baş verən hadisənin görüntüləri sosial şəbəkədə paylaşılıb.

Belə ki, “Yango” taksi şirkətinə məxsus 77-YH-761 dövlət qeydiyyat nişanlı “Chevrolet Cobalt” markalı minik avtomobili idarəetmədən çıxaraq yol kənarındakı köşkə çırpılıb.

Hadisə şahidlərinin bildirdiyinə görə, hadisə zamanı taksidə sərnişin olmayıb. Sürücü yüngül xəsarət alıb. Avtomobilə və köşkə ziyan dəyib.

Sözügedən qəzanın videosunu təqdim edirik:

Namiq Musayev