Qəza törətdi, maşını qoyub qaçdı - VİDEO

Ötən gün saat 22:30 radələrində Şəkidə ağır yol qəzası baş verib. Avtosfer.az Region TV-yə istinadən xəbər verir ki, Nəriman Nərimanov küçəsi ilə hərəkətdə olan 99 HD 255 dövlət nömrə nişanlı "Mercedes E-class" markalı avtomobilin sürücüsü idarəetməni itirərək qəza törədib. Yüksək sürətlə hərəkət edən avtomobil yolda bir neçə dəfə yuvarlanıb. Avtomobilə çox ciddi ziyan dəyib. Xoşbəxtlikdən qəza zamanı avtomobilin sürücüsü xəsarət almayıb. Ancaq sürücü avtomobili qoyaraq qəza yerini tərk edib. Şəki polisinin araşdırması nəticəsində sürücünün kimliyi müəyyənləşib. Hadisəni Salamzadə Fərahim Hikmət oğlunun törətdiyi aydınlaşıb.