Qəzalarda 3 nəfər ölüb, 1 nəfər yaralanıb
Qəzalar
14 Avqust 2016 01:45
Oxunub 1369
Hər üç faktla bağlı araşdırma aparılır
Dünən Azərbaycan yollarında baş verən qəzalarda 3 nəfər ölüb. Avtosfer.az-ın DİN-in saytına istinadən məlumatına görə, avqustun 12-də saat 16 radələrində Sumqayıt şəhərində Yardımlı rayon sakini Orxan Qəhrəmanlı idarə etdiyi “Hyundai” markalı avtomobili maneəyə vurub. Nəticədə sürücü və sərnişini Hüseyn Əsgərov xəstəxanaya yerləşdirilib, H.Əsgərov orada ölüb.
Avqustun 12-də saat 05 radələrində Kürdəmir rayonunun Qarabucaq kəndində Tovuz rayon sakini Sabir Paşayev idarə etdiyi “KamAZ” markalı avtomobili yolun kənarında dayanmış Hacıqabul rayon sakini Zaur Xankişiyevə məxsus “MAZ” markalı avtomobilə vurub. Nəticədə S.Paşayev hadisə yerində ölüb.
Dünən saat 12 radələrində Ucar rayonunun Qarabörk kəndində Bakı şəhər sakini Tağı Haqverdiyev idarə etdiyi “Mercedes” markalı avtomobillə yolu keçən rayon sakini Esvira Məmmədovanı vurub. Piyada hadisə yerində ölüb.
Hər üç faktla bağlı araşdırma aparılır.
ŞƏRH YAZ
DİGƏR XƏBƏRLƏR
