Qəzalarda iki nəfər ölüb - Dünən

Dünən respublikanın avtomobil yollarında 4 yol-nəqliyyat hadisəsi baş verib, nəticədə 2 nəfər ölüb, 3 nəfər isə yaralanıb. Avtosfer.az DİN-in saytına istinadən xəbər verir ki, həmin yol-nəqliyyatı hadisələrindən biri Şirvan şəhərində baş verib. Belə ki, saat 07:00 radələrində Bakı şəhər sakini Arif Bayramov idarə etdiyi “Mercedes” markalı avtomobillə yolu keçən şəhər sakini Sahib İsrafilovu vurub. Xəstəxanaya yerləşdirilmiş piyada orada ölüb. 

Digər bir hadisə isə Sumqayıt şəhərində qeydə alınıb. Şəhər sakinləri Bəhram Ağayevin idarə etdiyi “TOFAŞ” markalı avtomobillə İlham Qasımovun idarə etdiyi “Yamaha” markalı motosiklet toqquşub. Nəticədə İ.Qasımov ölüb. Hər iki hadisəylə bağlı araşdırma aparılır.