Qəzaların səbəbi telefon yox, BU İMİŞ

Sürücülərin qəza etməsindəki ən böyük səhv diqqət yayınması deyil, əslində bunun altında fərqli bir səbəb dayanır. 

Avtosfer.az xəbər verir ki, İngiltərədə aparılan bir sorğu maraqlı nəticələr ortaya qoyub.

İngiltərədə 2.691 sürücü ilə keçirilən sorğunun nəticələrinə görə, yollarda edilən səhvlərin əsas səbəbi texnologiya yox, insanın özüdür. Sürücülərin 63%-i sükan arxasında diqqətlərinin dağıldığını və buna görə səhv etdiklərini etiraf edib. Ən çox yayılan səbəblər isə sərnişinlə söhbət etmək və xəyal qurmaq kimi göstərilib.

Mütəxəssislər bildirib ki, diqqət yalnız gözlə deyil, zehinlə də yolda olmalıdır. Qısa bir düşüncə yayınması belə ölümcül nəticələrə səbəb ola bilər. Bu səbəbdən, sürücülərə həm fiziki, həm də zehni olaraq yola fokuslanmaları tövsiyə edilib.

(News24.az)