Qəzaya düşən pilotun cəsədi tapıldı - FOTO

Xəbər verdiyimiz kimi ABŞ-a məxsus “FA-18” qırıcısı Yaponiya sahillərində qəzaya uğrayıb. Avtosfer.az “qafqazinfo”ya istinadən xəbər verir ki, ABŞ pilotu Ceyk Frederikin cəsədi Yaponiyanın hərbi dəniz qüvvələri tərəfindən tapılıb. İvakuni şəhərindən təxminən 190 kilometr cənub-şərqdə katapultdan istifadə edən pilotun taleyi barədə məlumatın olmadığı bildirilirdi. Qeyd edək ki, bu Yaponiyada ABŞ təyyarəsinin qəzaya uğraması ilə bağlı birinci hadisə deyil. Belə ki, sentyabrda Okinava şəhərindən şərqdə ABŞ HHQ-nin hücum qırıcısı “Harrier” qəzaya uğrayıb. Pilot katapultdan istifadə edərək xilas olub. Üç il bundan əvvəl Okinavada ABŞ-a məxsus “F-15” qırıcısı, təxminən bir il əvvəl isə  Aomori prefekturasında “F-16” qırıcısı qəzaya düşüb.