Qəzaya düşən vertolyotdakı 8 nəfərin adı açıqlandı

Rusiyaya məxsus vertolyot Norveçdə dənizə düşüb. “Qafqazinfo” xarici KİV-ə istinadən xəbər verir ki, yüngül mühərrikli “Mi-8” vertolyotunda 8 nəfər olub. Məlumata görə, vertolyot Bakı vaxtı ilə 17:35 radələrində havaya qalxıb, 10 dəqiqə sonra isə radardan itib. “Mi-8”in Barentsburq adasını 2-3 km yaxınlığında düşdüyü məlum olub.

Rusiya Energetika Nazirliyi “Mi-8” vertolyotunun göyərtəsində olan sərnişinlər və ekipaj üzvlərinin adlarını açıqlayıb. “Gazeta.ru”nun məlumatına görə, sərnişinlər arasında Arktika və Antarktida Elmi-Araşdırma İnstitutunun əməkdaşları – Oleq Qolovanov, Nikolay Fadeev və Maksim Kaulio olub. Ekipaj isə komandir Yevgeni Baranov, ikinci pilot Vladimir Frolov, mexanik Aleksey Poulyauskas, texnik Marat Mixtarov və mühəndis Aleksey Korolevdən ibarət olub.