Qəzaya uğramış balıqçı gəmisinin heyət üzvləri xilas edilib

Yaponiyanın cənubunda yerləşən balıqçı qayığının qəzaya uğraması nəticəsində itkin düşmüş yeddi nəfər heyət üzvü xilas edilib. Avtosfer.az azərtac-a istinadən xəbər verir ki, noyabrın 20-də günorta saatlarında həmin qayıqdan həyəcan siqnalı qəbul edilib və sonradan onunla əlaqə kəsilib. Yaponiya Sahil Mühafizəsi Xidməti qəza rayonuna təyyarə göndərərək ikisi Yaponiya və beşi İndoneziya vətəndaşı olan heyət üzvlərinin axtarışına başlamışdı. Sahil Mühafizəsi Xidmətindən daxil olan məlumatda bildirilir ki, heyət üzvləri bu balıqçı qayığı ilə toqquşan digər qayıq tərəfindən xilas edilib. Balıqçıların hamısı Filippin limanına çatdırılıb.