Qırıcı təyyarə evin üzərinə düşdü - Ailə həlak olub

Liviyanın şərqində yerləşən Tobruk şəhərində qırıcı təyyarə qəzaya uğrayaraq evin üzərinə düşüb. Avtosfer.az "Report"a istinadən xəbər verir ki, hadisə nəticəsində bir ailənin üç üzvü həlak olub.

Hadisə Tobruk şəhərinin cənubunda baş verib. Qəza nəticəsində evə çırpılan təyyarə yanmağa başlayıb. Ailə başçısı, həyat yoldaşı və onların oğullarından biri dünyasını dəyişib. Pilot da xilas ola bilməyib.

Qəza texniki nasazlıq səbəbindən baş verib.