Qırmızı işıqda yolu keçən piyadanı avtobus vurdu - VİDEO

Bakıda qadını sərnişin avtobusu vuraraq öldürüb. Avtosfer.az "Report"a istinadən xəbər verir ki, yol-nəqliyyat hadisəsi Yasamal rayonunda baş verib. Belə ki, "Şamaxinka" kimi tanınan ərazidə piyada zolağından keçmək istəyən 1963-cü il təvəllüdlü Paşayeva Şahzadə Qoçu qızını dayanacağa daxil olan 65 nömrəli sərnişin avtobusu vurub. Qadın aldığı xəsarətlərdən hadisə yerində ölüb.

65 nömrəli sərnişin avtobusunun məxsus olduğu şirkətdən isə bildirilib ki, baş vermiş qəza ilə bağlı araşdırmalara başlanılıb, avtobusdakı video kameraların görüntülərinə baxış keçirilib: "Məlum olub ki, mərhum işıqforun piyadalar üçün nəzərdə tutulan qırmızı işığından keçirmiş".  

Faktla bağlı cinayət işi başlanılıb. Sürücü saxlanılıb.