Qoşa xətti keçib qəza törətdi - VİDEO

Gəncədə iki avtomobil toqquşub. Hadisə şəhərin Atatürk prospektində baş verib. Gəncə şəhər sakini, 29 yaşlı Elşad Mirzəyev "VAZ 2107" markalı avtomobillə hərəkətdə olarkən əks istiqamətdən gələn Daşkəsən rayonu, Qabaqtəpə kənd sakini, 27 yaşlı Elməddin Cabbarovun  idarə etdiyi "QAZ 2410" markalı avtomobillə toqquşub. Avtosfer.az Kəpəz TV-yə istinadən xəbər verir ki, hadisə nəticəsində xəsarət alan olmasa da, hər iki avtomobilə ziyan dəyib. Qəzaya ilkin səbəb kimi "QAZ 2410" markalı avtomobilin sürücüsünün qoşa xəttin üstündən keçməsidir. Faktla bağlı araşdırma aparılır.