Qoyun daşıyan yük maşını yolun ortasına aşdı - VİDEO

Bakı-Quba yolunda yol-nəqliyyat hadisəsi baş verib.

Avtosfer.az-ın məlumatına görə, hadisə oktyabrın 25-də səhər saatlarında “Stansiya Sumqayıt” adlanan ərazidə qeydə alınıb.

Belə ki, hərəkətdə olan “Mercedes Atego” markalı yük avtomobili aşıb. Şahidlərin iddiasına görə, qəzaya yük maşınının təkərinin partlaması səbəb olub.

Nəticədə avtomobilin yük yerində daşınan qoyunların bir qismi tələf olub.

Hadisə yerinə polis əməkdaşları cəlb olunub. Aşan nəqliyyat vasitəsi ərazidən kənarlaşdırılıb.

Faktla bağlı araşdırma aparılır.

Nərmin