Qubada avtomobil dağdan yuvarlanaraq çaya düşüb

Ötən gün Quba-Xınalıq yolunda qəza baş verib. Avtosfer.az xəbər verir ki, bu barədə "Report"un Şimal bürosunun məlumatına görə, "Niva" markalı avtomobil əvvəlcə idarəetməni itirərək yoldan çıxıb, daha sonra dağdan aşağı yuvarlanaraq çaya düşüb.

Hadisə Quba-Xınalıq yolunun Elig çayı üzərindəki körpüsündən dönən hissəsində baş verib.

Avtomobil dağdan aşağı düşsə də, sürücü, Elig kənd sakini Ceyhun Məclis oğlu heç bir xəsarət almadan xilas ola bilib.