Qubada ölümlə nəticələnən yol qəzası baş verdi

Quba rayonunda ölümlə nəticələnən yol-nəqliyyat hadisəsi baş verib. Hadisə Bakı-Quba yolunun 151-ci kilometrliyində, rayonun Cağacuq kəndi ərazisində qeydə alınıb.  Belə ki, 90-NB-970 dövlət qeydiyyat nömrə nişanlı "Lada Priora" markalı avtomobillə 99-BF-038 dövlət qeydiyyat nömrə nişanlı "Opel" markalı avtomobil toqquşub. Nəticədə ağır bədən xəsarətləri alan, "Lada Priora"nın sürücüsü, rayonun Nərimanabad kənd sakini, 1958-ci il təvəllüdlü Füzuli Seyidağa oğlu Çərkəzov Quba Rayuon Mərkəzi Xəstəxanasına yerləşdirilib. 

Xəstəxanadan "Report"a bildirilib ki, həkimlərin səylərinə baxmayaraq, F.Çərkəzov orada ölüb. 

Faktla bağlı araşdırmalara başlanılıb.