Qubada qəzadan yayınmaq istəyən sürücü daşla dolu “KamAZ”ı aşırdı - VİDEO

Quba rayonu ərazisində yol-nəqliyyat hadisəsi baş verib.

Avtosfer.az-ın məlumatına görə, qəza oktyabrın 8-də günorta saatlarında qeydə alınıb. Belə ki, Qusar rayon sakini Talıbov Edik Səfərəli oğlunun idarə etdiyi 50-CP-054 dövlət nömrə nişanlı “KamAZ” markalı maşın qəza törədib. Qəzaya səbəb yük maşınının qarşısına anidən minik avtomobilinin çıxması olub. Qəzadan yayınmaq üçün manevr edən sürücü bu zaman nəqliyyat vasitəsini aşırıb. Hadisə zamanı yük maşınına və yol kənarındakı piştaxtaya maddi ziyan dəyib. Xoşbəxtlikdən qəza zamanı xəsarət alan olmayıb.

Qeyd edək ki, hadisə yerinə DYP əməkdaşları cəlb olunub. Faktla bağlı ataşdırma aparılır.

Nərmin