Qubada yol çəkənlər qəzaya düşdülər - Xəsarət alan var

Quba rayonunda avtomobil aşıb. Avtosfer.az “Qafqazinfo”ya istinadən xəbər verir ki, hadisə rayonun Təngaltı kəndində baş verib. Belə ki, intensiv yağışlardan sonra qəzalı vəziyyətə düşən Quba–Qanaqkənd yoluna alternativ olaraq çəkilən yolun tikintisinə cəlb olunan yük avtomobillərindən biri sərt döngədə aşıb. Qəza nəticəsində yük avtomobilinin sürücüsü yüngül xəsarət alıb. Faktla bağlı araşdırma aparılır.