Ramanada sərnişin avtobusları toqquşdu - VİDEO

Paytaxtın Sabunçu rayonu, Ramana qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 1-də saat 16:30 radələrində qeydə alınıb. Belə ki, hərəkətdə olan 77-TJ-958 dövlət nömrə nişanlı “Mercedes” markalı mikroavtobus 99-JX-115 dövlət nömrə nişanlı “Iveco” markalı avtobusla toqquşub.

Şahidlərin iddiasına əsasən, qəzaya “Mercedes” sürücüsünün manevr qaydasını pozması səbəb olub.

Hadisə nəticəsində hər iki nəqliyyat vasitəsinə maddi ziyan dəyib. Xoşbəxtlikdən sürücü və sərnişinlər arasında xəsarət alan olmayıb.

Faktla bağlı araşdırma aparılır.

Nərmin