“Renault” gözləmədi, zəncirvari qəza yaratdı - VİDEO

Bakı-Qazax magistralının 1-ci kilometrliyində, Gəncə şəhəri ərazisində üç avtomobilin iştirakı ilə yol-nəqliyyat hadisəsi baş verib. Avtosfer.az ARB TV-yə istinadən xəbər verir ki, Samux rayonunun Zazalı kəndi istiqamətindən magistrala çıxan "Renault" markalı avtomobil digər nəqliyyat vasitələrinin hərəkətini gözləmədiyindən zəncirvari qəzaya səbəb olub. Belə ki, "Renault" Gəncə istiqamətində hərəkətdə olan "Mercedes E-Class" markalı avtomobilə çırpılıb. Zərbənin təsirindən "Mercedes" yoldan çıxıb və Bakı istiqamətində hərəkətdə olan digər "Mercedes C-Class" markalı avtomobilə çırpılıb. Hadisə zamanı xəsarət alan olmasa da, avtomobillərə ciddi ziyan dəyib. Yolun Bakı istiqamətində olan hərəkət hissəsi qismən bağlanıb.

Faktla bağlı araşdırma aparılır.