Rusiya səfirliyinin avtomobili Bakıda qəzaya düşüb

Bakıda səfirlik avtomobili qəzaya düşüb. Avtosfer.az-ın APA-ya istinadən məlumatına görə, hadisə paytaxtın Nərimanov rayonu, Əhməd Ağaoğlu küçəsində qeydə alınıb. Rusiya Federasiyasının Bakıdakı səfirliyinə məxsus “Hyundai” markalı, 004 D 16 dövlət qeydiyyat nişanlı avtomobil BMW markalı, 10 TL 443 dövlət nömrə nişanlı maşınla toqquşub. Qəza nəticəsində xəsarət alan olmasa da, hər iki avtomobilə ziyan dəyib. Faktla bağlı araşdırma aparılır.