Rusiya təyyarəsinin yeni qəza görüntüləri yayıldı - VİDEO

Qara dənizdə Rusiya Müdafiə Nazirliyinə məxsus Tu-154 təyyarəsinin qəzaya uğrmasının görüntüləri Soçi sahillərində avtomobillərdən birinin video-registratoruna düşüb.

Avtosfer.az istipress-ə istinadən xəbər verir ki, videoda görünür ki, təyyarə qəzaya uğrayarkən göy üzü işığa bürünür.

Rusiya mətbuatının yazdığına görə, videokadrlar Federal Təhlükəsizlik Xidmətinin nümayəndələri tərəfindən əldə edilib.

Hazırda FTX Tu-154 təyyarəsinin qəzaya uğramasının səbəblərini araşdırır. İlkin versiyalar kimi təyyarədə yaranan texnizi nasazlıq, pilotun səhvi, qəfil maneənin olması və terror aktı göstərilir.

Moskvadan havaya qalxan və yanacaq doldurduqdan sonra Soçidən Suriyanın Lazkiya şəhərindəki Rusiya hərbi bazasına getməsi planlaşdırılan Tu-154 tipli təyyarə Qara dənizə düşüb.

Rusiya Müdafiə Nazirliyinə aid təyyarədə 84-ü sərnişin və 8-i ekipac üzvü olmaqla ümumilikdə  92 adam həlak olub. Rusiya Müdafiə Nazirliyi təyyarənin Qara dənizə, Soçi sahillərinə 6 kilometr uzaqlıqda düşdüyünü təsdiqləyib.