Rusiyada avtomobil qəzasında dörd nəfər ölüb

Rusiyanın Çelyabinsk şəhərində ağır yol qəzası baş verib. APA-nın xəbərinə görə, Rusiya Daxili İşlər Nazirliyinin Çelyabinsk vilayəti üzrə idarəsinin  məlumatında bildirilir ki, "Mitsubishi Lancer" markalı avtomobilin sürücüsü idarəetməni itirərək qarşı yola çıxıb və ək istiqamətdə hərəkətdə olan eyni markalı avtomobillə toqquşub. 

Qəza nəticəsində ilkin məlumata görə, dörd nəfər ölüb, xəsarət alanların sayı dəqiqləşdirilir.

Hadisə yerində hüquq-mühafizə orqanlarının əməkdaşları və xilasedicilər işləyir.

Araşdırma aparılır.