Rusiyada baş vermiş yol qəzasında 7 nəfər xəsarət alıb

Rusiyada yol qəzası baş verib. Avtosfer.az "Report"a istinadən xəbər verir ki, hadisə Şərqi Sibirdə, Çita şəhərində qeydə alınıb. Belə ki, "Qazel" avtomobilinin elektrikötürücü xəttinə çırpılması nəticəsində sürücü və 6 sərnişin xəsarət alıb. DİN-in mətbuat xidmətinin xəbərində bildirilir ki, qəzaya sürücünün sərxoş olması səbəb olub. Spirtli içki qəbul etmiş sürücü nəqliyyat vasitəsinə idarəetməni itirib. Qəza zamanı xəsarət almış 3 nəfər xəstəxanaya yerləşdirilib. Onların vəziyyətinin normal olduğu bildirilir. Faktla bağlı araşdırma aparılır.