Rusiyada iki böyük avtomobil toqquşdu - VİDEO

Rusiyanın Yəhudi Muxtar Vilayətində (Rusiya Federasiyasının subyektlərindən biri, Rusiyada yeganə muxtar vilayət. Paytaxtı Birobican şəhəridir. Moskvadan 8000 kilometr şərqdə yerləşir. Çin Xalq Respublikası və Saxa ilə həmsərhəddir. Federal bölgə olaraq Rusiya Federasiyasının Uzaq Şərq Federal Dairəsinə, iqtisadi bölgə olaraq isə Rusiya Federasiyasının Uzaq Şərq İqtisadi Bölgəsinə daxildir - red.) dəhşətli qəza baş verib. Betonqarışdıran maşınla avtomobildaşıyan maşın toqquşub.
Avtosfer.az-ın AIF.ru-ya istinadən xəbərinə görə, bu barədə Rusiya Fövqəladə Hallar Nazirliyinin Regional Baş İdarəsinin mətbuat xidmətindən məlumat verilib.
Məlumata görə, qəza Smidoviçski rayonunun Klyuçevoye kəndi yaxınlığındakı federal magistral yolda baş verib. Betonqarışdıran maşının sürücüsü qarşıdan gələn zolağa çıxıb və orada avtomobilləri daşıyan yük maşınına çırpılıb. Güclü zərbədən sonra hər iki avtomobil alovlanıb və yanan yük maşınları qarşıdan gələn minik avtomobilinə doğru sürüklənib.
Həmin anlar minik avtomobilinin sürücüsü tərəfindən lentə alınıb.
Hadisə yerinə xilasedicilər və yanğınsöndürənlər göndərilib.
Yolun sözügedən hissəsində nəqliyyatın hərəkəti müvəqqəti məhdudlaşdırılıb, hərəkətin əks istiqamətdə tənzimlənməsi tətbiq edilib.
Qəza nəticəsində ölən və yaralananlar barədə məlumat verilmir. Hadisənin baş vermə şəraiti və dəqiq səbəbləri müəyyənləşdirilir.
Bakıda turistləri daşıyan avtobus qəzaya düşdü: Yaralanan var
“BMW” “Qazel”ə çırpıldı, hər iki sürücü yaralandı - VİDEO
Vətən müharibəsi iştirakçısı faciəvi şəkildə dünyasını dəyişdi - FOTO
Qəbir ziyarətinə gedənlər qəzaya düşdülər - VİDEO - YENİLƏNİB
Şamaxıda yük maşını aşdı: 9 ton meyvə ətrafa dağıldı - VİDEO
Füzulidə baş verən qəzada ölən məktəblilər dəfn edildi - FOTO
Biləcəri yolunda qəza: Avtomobillərdən biri ağaclara çırpılıb - VİDEO
Füzulidə iki maşın toqquşdu - 3 ölü - FOTO - YENİLƏNİB
Ordubaddakı qəzada həlak olan qazinin FOTOsu
Dəhşətli qəzada həlak olanların kimliyi bilindi: ADLAR
Azərbaycanda deputat qəzaya düşdü: Ölən var












