Rusiyada qəzaya uğrayan təyyarənin 1500-dən artıq qırıntısı aşkarlanıb

Qara dənizdə qəzaya uğramış “Tu-154” təyyarəsinin 1,5 mindən artıq qırıntısı aşkarlanıb. Avtosfer.az “Report”a istinadən xəbər verir ki, bu haqda Rusiyanın Müdafiə Nazirliyindən bildirilib.

“Axtarış-əməliyyat tədbirləri zamanı təyyarənin 1 547 qırıntısı aşkarlanıb. Onların 567 hissəsi sudan çıxarılıb”, - deyə, məlumatda qeyd olunub.

Xatırladaq ki, dekabrın 25-də səhər saatlarında Suriya istiqamətində Rusiya Müdafiə Nazirliyinə məxsus "Tu-154" təyyarəsi Qara dənizin üzərindən uçarkən qəzaya uğrayıb. Nazirliyin məlumatına görə, təyyarənin göyərtəsində 92 nəfər - 8 ekipaj üzvü və 84 sərnişin olub.