Saatlıda piyadanı maşın vurub öldürdü - YENİLƏNİB

DİN-in Mətbuat Xidmətinin Şirvan regional qrupundan Avtosfer.az-ın sorğusuna cavab olaraq bildirib ki, bu gün səhər saatlarında Saatlı rayon sakini, 1964-cü il təvəllüdlü Savalan Feyzullayev idarə etdiyi "VAZ-2107" markalı nəqliyyat vasitəsilə hərəkətdə olan zaman yolu keçmək istəyən piyada, 1964-cü il təvəllüdlü Səxavət Əzizovu vurub. Sonuncu aldığı xəsarətdən hadisə yerində ölüb.

Faktla bağlı Saatlı RPŞ-nin İstintaq Bölməsində cinayət işi başlanıb, araşdırmalar aparılır.

***

Saatlıda avtomobil piyadanı vuraraq öldürüb.

Avtosfer.az xəbər verir ki, hadisə Saatlı rayonunun Əlisoltanlı kəndində qeydə alınıb. Yolu keçən kənd sakini, 1964-cü il təvəllüdlü Əzizov Səxavət Abasət oğlunu avtomobil vuraraq öldürüb.

Faktla bağlı araşdırma aparılır.