Saatlıda yasdan qayıdanlar qəzaya düşdü, ölən və yaralananlar var

Saatlı rayon mərkəzində “VAZ 2106” markalı minik avtomobili "BMW" markalı avtomobillə toqquşub. Avtosfer.az-ın APA-ya istinadən məlumatına görə, qəza nəticəsində “VAZ 2106” markalı minik avtomobilində olan 63 yaşlı Məmmədov  Əziz Sarxan oğlu ölüb. Avtomobildə olan sərnişinlər - 1971-ci il təvəllüdlü Əsədova Fatma Osman qızı, 1964-cü il təvəllüdlü Əsədova Atlas Osman qızı, 1965-ci il təvəllüdlü Əsədov Nadir Osman oğlu və Adgözəlova Rəbiyyə Məmmədalı qızı xəsarət alıb və Şirvan şəhər Mərkəzi Xəstəxanasına yerləşdiriliblər. Vəziyyəti ağır olan F. Əsədova xəstəxananın reanimasiya şöbəsinə yerləşdirilib, N. Əsədov əməliyyat olunub.

Qeyd edək ki, “VAZ 2106” markalı minik avtomobilinin sürücüsü və sərnişinlər Cəbrayıl rayon sakinləridir. Onlar Sabirabad rayonuna yas mərasiminə gəliblər və geri qayıdarkən qəzaya düşüblər.