Saatlıda yük və minik maşını toqquşub, xəsarət alanlar var - FOTO

Saatlı rayonunda yük və minik avtomobilinin toqquşması ilə nəticələnən yol qəzası baş verib.

Avtosfer.az “Azərtac”a istinadən xəbər verir ki, yol-nəqliyyat hadisəsi Hacıqabul-Bəhrəmtəpə-Mincivan avtomobil yolunun Əlisoltanlı kəndi ərazisindən keçən hissəsində qeydə alınıb. Hadisə zamanı “Mercedes” markalı qoşqulu yük maşını ilə “VAZ 2109” markalı minik avtomobili toqquşub. Qəzada hər iki nəqliyyat vasitəsi yoldan kənara çıxıb, yük maşını aşıb. Qəza nəticəsində xəsarət alan iki nəfər Saatlı Rayon Mərkəzi Xəstəxanasına yerləşdirilib.

Faktla bağlı araşdırma aparılır.