Sabirabadda mikroavtobus minik maşını ilə toqquşdu: 10 nəfər xəsarət aldı - FOTOLAR

Sabirabad rayonunda baş verən yol-nəqliyyat hadisəsində xəsarət alanların vəziyyəti açıqlanıb.

Avtosfer.az-ın APA-ya istinadən məlumatına görə, bu barədə Şirvan Şəhər Mərkəzi Xəstəxanası məlumat yayıb.

Bildirilib ki, martın 17-də saat 18:15 radələrində baş verən qəza nəticəsində 10 nəfər (1 kişi, 9 qadın) xəstəxananın Təcili tibbi yardım şöbəsinə hospitalizasiya olunub.

Onlara bədənin müxtəlif nahiyələrinin çoxsaylı travması diaqnozu qoyulub.

Xəsarət alanlardan 8 nəfərə tibbi yardım göstərilərək ambulator müalicə üçün evə buraxılıb.

Hazırda 2 nəfərin müalicəsi davam etdirilir, onların vəziyyəti ağır (kişi) və orta ağır (qadın) kimi qiymətləndirilir.

***

Sabirabadda mikroavtobusun iştirakı ilə avtomobil qəzası baş verib, 7 nəfər xəsarət alıb. Avtosfer.az-ın APA-ya istinadən məlumatına görə, hadisə Sabirabad rayonunun Dadaşbəyli kəndində baş verib. “FORD" markalı mikroavtobusla "Ateko" markalı avtomobilin toqquşması nəticəsində 7 nəfər xəsarət alaraq Şirvan xəstəxanasına yerləşdirilib. Qəza səbəbindən Şirvan-Sabirabad yolunda 40 dəqiqə ərzində böyük tıxac yaranıb. Faktla bağlı araşdırma aparılır.

***

Sabirabadda mikroavtobusun iştirakı ilə yol qəzası baş verib.  Məlumata görə, hadisə Sabirabad rayonunun Dadaşbəyli kəndində qeydə alınıb. Mikroavtobusla minik avtomobilinin toqquşması nəticəsində 7 nəfər xəsarət alaraq Şirvan xəstəxanasına yerləşdirilib. Faktla bağlı araşdırma aparılır.