Sabirabadda zəncirvari qəza: Üç maşın toqquşdu, bir nəfər xəsarət aldı - VİDEO

Sabirabadda yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza noyabrın 4-də saat 18:00 radələrində Hacıqabul-Horadiz yolunun 8-ci kilometrliyində, Sabirabad rayonunun Dadaşbəyli kəndi ərazisindən keçən hissəsində qeydə alınıb: “Belə ki, Boluyev Elnur Əsəd oğlunun idarə etdiyi 11-BK-530 dövlət qeydiyyat nişanlı “KamAZ” markalı, Əmrahlı Allahşükür Əmrah oğlunun idarə etdiyi 99-MR-024 dövlət nömrə
nişanlı “Hyundai” markalı və Kərimov İragül Zeynalovun idarə etdiyi 99-MS-270 dövlət nömrə nişanlı “Mercedes” markalı avtomobillər toqquşub. Hadisə nəticəsində
hər üç nəqliyyat vasitəsinə maddi ziyan dəyib, “Mercedes”in sürücüsü - Kazımov İragül xəsarət alıb”.

Faktla bağlı araşdırma aparılır. 

Nərmin