Şabranda maşın 56 yaşlı qadını vurub öldürdü

Şabran rayonu ərazisində ölümlə nəticələnən yol nəqliyyat hadisəsi qeydə alınıb. Avtosfer.az-ın APA-ya istinadən verdiyi məlumata görə, 1995-ci il təvəllüdlü Məmmədov Murad Elxan oğlu idarə etdiyi "Priora" markalı avtomaşınla piyada, 1960-cı il təvəllüdlü Sirətova Rübabə Balakişi qızını vurub. Sürücü hadisədən sonra xəsarət alan şəxsi xəstəxanaya çatdırsa da, onun həyatını xilas etmək mümkün olmayıb. Faktla bağlı araşdırma aparılır.