Sabunçuda piyadanın ölümü ilə nəticələnən yol qəzası baş verib

Bakının Sabunçu rayonunda piyadanın ölümü ilə nəticələnən yol-nəqliyyat hadisəsi baş verib.

Avtosfer.az xəbər verir ki, qəza Bilgəh qəsəbəsi ərazisində qeydə alınıb.

Respublika Təcili və Təxirəsalınmaz Tibbi Yardım Mərkəzindən APA-ya verilən xəbərə görə, saat 18:30 radələrində Sabunçu rayonu, Bilgəh ərazisindən piyadanın vurulması hadisəsinin baş verməsi səbəbilə çağırış daxil olub. Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən xəsarət alan təxminən 50-55 yaşlarında (kişi cinsli) şəxsin həkimə qədər ölüm faktı qeydə alınıb.