Sağ tərəfdən gələnə yol verməyən sürücü zəncirvari qəzaya səbəb oldu - VİDEO

Qubada baş verən ağır yol nəqliyyat hadisəsinin videosu sosial şəbəkədə yayılıb. Avtosfer.az xəbər verir ki, hadisə yük avtomobili sürücüsünün məsuliyyətsizliyi nəticəsində baş verib. Belə ki, yolayrıcına daxil olan yük maşınının sürücüsü sağdan gələn "VAZ 2106" markalı avtomobilə yol verməyib. Nəticədə onu yan tərəfdən vuraraq yoldan çıxarıb. İdarəetməni itirən sürücü daha sonra yolun kənarında dayanan "VAZ 21015" markalı avtomobilə çırpılıb.

"Yol hərəkəti haqqında" qanunda qeyd olunub ki, eyni əhəmiyyətli yolların kəsişməsində sağdan gələn nəqliyyat vasitələri üstünlüyə malikdirlər.

Fərid