Salyanda ağır yol qəzası baş verib, yaralananlar var

Salyan rayonunda iki nəfərin xəsarət alması ilə nəticələnən yol qəzası baş verib. Avtosfer.az xəbər verir ki, bu barədə “Report”un Aran bürosu xəbər verir ki, hadisə bu gün günorta satlarında Ələt-Astara magistral yolunun rayonun Marışlı kəndi ərazisindən keçən hissəsində qeydə alınıb. Belə ki, “Kamaz”markalı yük maşını ilə minik avtomobili toqquşub. Hadisə zamanı minik avtomobilinin sürücüsü Murad Ağamalıyev və salonda olan sərnişin Salyanın Yenikənd kənd sakini, 24 yaşlı Nuranə Xanlar qızı Rzayeva müxtəlif dərəcəli bədən xəsarətləri alıb. 

Yaralılar Salyan Mərkəzi Rayon Xəstəxanasına çatdırılaraq onlara tibbi yardım göstərilib.

Faktla bağlı araşdırma aparılır.