Salyanda avtomobil aşıb, sürücü xəsarət alıb

Salyan rayonunda 1 nəfərin yaralanması ilə nəticələnən yol qəzası baş verib. "Report"un Aran bürosu xəbər verir ki, hadisə səhər saatlarında rayonun Sarvan kəndi ərazisində qeydə alınıb. 

Belə ki, kənd sakini, 25 yaşlı Rauf Azər oğlu Hüseynov idarə etdiyi "Jiquli" markalı avtomobillə hərəkətdə olarkən anidən idarəetməni itirib. Nəticədə maşın yolun kənarına aşıb. 

Sürücü hadisə zamanı müxtəlif dərəcəli bədən xəsarətləri alıb.

Faktla bağlı araşdırma aparılır.