Salyanda avtomobil dirəyə çırpılıb, xəsarət alanlar var

Salyan rayonunda 2 nəfərin yaralanması ilə nəticələnən yol qəzası baş verib. Avtosfer.az "Report"a istinadən xəbər verir ki, hadisə Ələt-Astara magistral yolunun Salyan ərazisindən keçən hissəsində qeydə alınıb. Belə ki, sürücünün nəqliyyat vasitəsinə idarəetməni itirməsi nəticəsində minik avtomobili beton dirəyinə çırpılıb. Nəticədə Salyan şəhərinin 20 Yanvar küçəsində yaşayan 30 yaşlı Etibar Vahid oğlu Qafarov və 35 yaşlı Ramil Həmid oğlu Tağıyev müxtəlif dərəcəli bədən xəsarətləri alıblar. Yaralılar Salyan Mərkəzi Rayon Xəstəxanasına çatdırılıb.

Faktla bağlı araşdırma aparılır.