Salyanda avtomobil hasara çırpıldı – 1 ölü, 1 yaralı

Salyan rayonunun Kürqaraqaşlı kəndi ərazisində ölümlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, martın 20-də saat 02:00 radələrində rayonun Kürqaraqaşlı kəndi ərazisində rayon sakini Fərhad Əliyev idarə etdiyi "Mercedes" markalı avtomobili yolun kənarındakı hasara vurub. Hadisə nəticəsində sürücü hadisə yerində ölüb. Sərnişin isə xəstəxanaya çatdırlıb. Ona ilkin tibbi yardım göstərildikdən sonra evə buraxılıb. Salyan Rayon Polis Şöbəsi tərəfindən araşdırma aparılır.