Salyanda avtomobil piyadanı vuraraq öldürüb

Salyanda ölümlə nəticələnən yol-nəqliyyat hadisəsi olub.

"Report"un Aran bürosu xəbər verir ki, hadisə axşam saatlarında Ələt-Astara magistral yolunun rayonun Həsənli kəndindən keçən hissəsində qeydə alınıb.

Belə ki, kənd sakini, 1982-ci il təvəllüdlü Xanəliyev Rəşad Valeh oğlu yolu keçmək istəyən zaman onu naməlum minik avtomobili vuraraq öldürüb. Avtomobilin sürücüsü hadisə yerindən qaçıb. Rəşad Xanəliyevin meyiti müayinə olunmaq üçün Məhkəmə Tibbi Ekspertizasına gətirilib.

Faktla bağlı araşdırma aparılır.