Salyanda avtomobil qəzası olub, 6 nəfər xəsarət aldı

Salyan rayonunda baş verən avtoqəzada altı nəfər xəsarət alıb.

Avtosfer.az xəbər verir ki, hadisə rayonun Kürsəngi kəndi ərazisində qeydə alınıb.

İlkin məlumata görə, minik avtomobillərin toqquşması nəticəsində altı nəfər - Salyan rayon sakinləri, 2016-cı il təvəllüdlü Cəfərli Xanım Ceyhun qızı, 2017-ci il təvəllüdlü Cəfərli Eşqin Ceyhun oğlu, 2002-ci il təvəllüdlü Cəfərova Nərminə Coşqun qızı və şəxsiyyəti hələ dəqiqləşdirilməyən daha üç nəfər xəsarət alıb.

Yaralılar xəstəxanaya çatdırılıb.

Faktla bağlı araşdırma aparılır.(report)