Salyanda iki avtomobil toqquşub, sürücülər xəsarət alıb

Salyanda iki nəfərin xəsarət alması ilə nəticələnən yol qəzası baş verib. Hadisə Ələr-Astara magistral yolunun rayonun Şorsulu kəndi ərazisindən keçən hissəsində qeydə alınıb. Belə ki, Bakı şəhər sakini, 1990-cı il təvəllüdlü Hüseynov Samir Mərdan oğlunun idarə etdiyi “Ford” markalı avtomobillə Salyanın Sarvan kənd sakini, 1969-cu il təvəllüdlü Gözəlov Samid Gülhüseyn oğlunun idarə etdiyi “Mersedes” markalı avtomobil toqquşub. Nəticədə müxtəlif dərəcəli bədən xəsarətləri alan hər iki sürücü Salyan Rayon Mərkəzi Xəstəxanasına yerləşdirilib.

Faktla bağlı araşdırma aparılır.

“Report”