Salyanda “NİVA” və “06” toqquşdu: 2 ölü, 3 yaralı – FOTO - VİDEO

Salyanda baş verən yol qəzasında ölənlərin şəxsiyyəti məlum olub.

Avtosfer.az-ın məlumatına görə, onlar rayonun Şorsulu kənd sakini Əhmədov Mustafa Allahyar oğlu və Biləsuvar sakini Mübaşir adlı şəxsdir. Hər ikisi meşə təsərrüfatının işçisidir.

Qəzada yaralanan Şorsulu kənd sakinləri, 1996-cı il təvəllüdlü Zeynalov Samid Eldəniz oğlu, 2009-cu il təvəllüdlü Quliyev Cəlal Ceyhun oğlu və digər hələlik şəxsiyyəti məlum olmayan bir nəfər Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.

**

Salyanda ağır yol qəzası olub, ölənlər və yaralananlar var.

Avtosfer.az-ın məlumatına görə, hadisə bu gün axşam saatlarında köhnə Ələt-Astara magistralının rayonun Şörsulu kəndi ərazisindən keçən hissəsində qeydə alınıb.

İlkin məlumata görə, “NİVA” və “VAZ-2106” markalı nəqliyyat vasitələrinin toqquşması nəticəsində iki nəfər ölüb, iki nəfər yaralanıb.

Hazırda hadisə yerinə təcili yardım briqadası və hüquq-mühafizə orqanları cəlb edilib.

Faktla bağlı araşdırma aparılır.