Salyanda sükan arxasında yuxulayan sürücü qəzaya uğradı - FOTO

Bu gün səhər saat 7 radələrində Ələt-Astara avtomobil yolunun Salyan rayonunun Sarvan kəndindən keçən 77-ci kilometrliyində sürücünün xəsarət alması ilə nəticələnən yol-nəqliyyat hadisəsi baş verib. Avtosfer.az-ın Virtualaz.org-a istinadən məlumatına görə, Bakı istiqamətində hərəkətdə olan 90 ZP 463 dövlət nömrə nişanlı, Masallı şəhər sakini Ramiz Rza oğlu Quliyevin idarə etdiyi “VAZ-2107” markalı avtomaşın qarşıdan gələn 99 DL 373 dövlət nömrə nişanlı “Mercedes” markalı yük maşınına çırpılıb. Hadisə nəticəsində xəsarət alan “07”-nin sürücüsü Ramiz Quliyev Salyan Mərkəzi Rayon Xəstəxanasına yerləşdirilib. Hadisənin Ramiz Quliyevin sükan arxasında yuxulaması səbəbindən baş verdiyi deyilir. Faktla bağlı DYP-də araşdırmalara başlanılıb.